Har du lyst til å samarbeide med oss for å betre kvardagen til barn og unge? Ved Poliklinikken i Volda har vi ledig fast stilling for klinisk sosionom/sosionom, klinisk barnevernspedagog/pedagog. I tillegg kan det verte høve for tilsetting i årsvikariat.

Poliklinikken i Volda har eit spennande fagmiljø som gir differensierte polikliniske behandlingstilbod til barn, unge og familiane deira i sju kommunar på Sunnmøre. Personalgruppa vår består av personar frå ulike yrkesgrupper og er organisert i tverrfaglege, geografiske team. I tillegg har vi småbarnsteam, akutt ambulant team, spiseteam, traumeteam, familieteam.

I Helse Møre og Romsdal HF er Psykisk helsevern for barn og unge samansett av poliklinikkane i Kristiansund, Molde, Ålesund og Volda (BUP) og ein døgnseksjon. Vi tilbyr pasient- og pårørandeopplæring, samt gruppetilbod for barn og unge med ADHD. Vi legg vekt på godt samarbeid med andre helsetenester for barn, både i kommunane og i andre delar av sp...