Om stillinga
**Vil du jobbe med hjernehelse? Vi har ledig ei fast stilling som overlege i klinisk nevrofysiologi.**
Klinisk nevrofysiologi (KNF) ved Haukeland universitetssjukehus har ansvar for funksjonsdiagnostikk og monitorering av nervesystemet. Vi utfører elektroencefalografi, elektromyografi, nevrografi, nevromuskulær ultralyd og framkalla responsar, inkludert magnetstimulering. Vi bidreg til langtidsovervaking av pasientar med epilepsi og kontinuerleg EEG-overvaking av kritisk sjuke pasientar i alle aldrar. I tillegg gjennomfører vi polysomnografi og søvnlatenstestar i diagnostikk av nevrologiske søvnlidingar. Vi tilbyr spesialiserte tenester innan intraoperativ nevromonitorering ved ortopediske og nevrokirurgiske inngrep.
Klinisk nevrofysiologi er ein del av Nevroklinikken saman med avdelingane for Nevrologi, Nevrokirurgi, NevroSysMed og Logopedtenesta. Vi har tett samarbeid på tvers av spesialitetane. Vi har laboratorium både i Gamle hovudbygg og i Glasblokkene, der v...